Министерството за образование и наука, ги известува сите студенти кои се избрани по приговор на конечниот список, дека договорот за студентска стипендија е поставен на следниот линк: Образец за "Договор за студентска стипендија", 2009 година. Истиот потребно е да се испечати во три еднообразни примероци, да се пополни од страна на студентот и заедно со фотокопија од трансакциска сметка и индекс на увид да се достави до Министерството за образование и наука, ул. Мито-Хаџивасилев бб – Скопје (зграда на поранешна НИП Нова Македонија).

Министерството за образование и наука, Ве известува дека е објавен конечниот список согласно Конкурсот за доделување на стипендии за студенти од јавните и приватните универзитети и високообразовни установи во Република Македонија за студиската 2008/2009 година. Конечниот список може да го погледнете на следниот линк конечен список.

Министерството за образование и наука, ги известува сите студенти од прелиминарниот список согласно Конкурсот за доделување на стипендии за студенти од јавните и приватните универзитети и високообразовни установи во Република Македонија за студиската 2008/2009 година, дека потребните документи согласно Конкурсот, може да се поднесат и во сабота (22.11.2008 година) од 09.00 до 15.00 часот.

Министерството за образование и наука ги известува студентите, кои конкурирале согласно Конкурсот за доделување на стипендии за студенти од јавните и приватните универзитети и високообразовни установи во Република Македонија за студиската 2008/2009 година, дека поднесувањето на документи за студентите од прелиминарниот список ќе се врши во просториите на Министерството за образование и наука, ул. Пролет бр.1 од 18.11.2008 до 24.11.2008 година од 09-15.00 часот.

Во истите термини се поднесуваат и приговори со целокупната документација, која се бара согласно конкурсот.

Студентите од прелиминарниот список потребно е да ги достават следните документи:

1. Индекс на увид;
2. Потврда за редовно запи­шан зимски семестар за студиската 2008/2009 година;
3. Уверение со бројот на предвидени и положени испити од претходните години, во кое ќе биде наведено дека кандидатот има положено 90% од испитите од претходните години;
4. Оригинал диплома на увид и заверена фотокопија на нотар за освоено награда на државни или меѓународни натпревари;
5. Уверение од управата за приходи на општината за материјалната положба на родителите - старателот на кандидатот;
6. Уверение од управата за приходи на општината за материјалната положба на кандидатот;
7. Потврди за остварените приходи на вработените членови на семејството (за пензионираните испратница од пензија) за месец септември 2008 година или доколку за овој месец не е исплатена плата, да се достави потврда за последната исплатена плата. За невработените членови на семејството, да се достави потврда од Заводот за вработување дека се невработени или примаат-непримаат паричен надоместок (во потврдата да биде наведен износот на паричниот надоместок, доколку го примаат), додека за учениците и студентите потврди од училиштето, односно факултетот;
8. Изјава  дека кандидатот не е корисник на друга стипендија или кредит (превземете);
9. Изјава дека доставените документи се вистинити и податоците се идентични со оние податоци внесени во електронската пријава (превземете);
10. Уверение за државјанство на Република Македонија.

• прелиминарен список

Во делот за освоена награда од електронската пријава, студентот внесува награда доколку има освоено во текот на студирањето за освоено I, II или III место на државен или меѓународен натпревар. Доколку студентот нема освоено награда во текот на студирањето избира „немам освоено награда“ од менито за избор.

Почитувани студенти,

согласно Конкурсот за доделување на стипендии за студенти од јавните и приватните универзитети и високообразовни установи во Република Македонија за студиската 2008/2009 година, од 06.11.2008 до 16.11.2008 година на овој портал по електонски пат ќе може да  се пријавите за добивање на стипендија. Пред да започнете со пријавување Ве молиме внимателно прочитајте ги условите за доделување на стипендии кои се составен дел на објавениот конкурс.

Секој кандидат има право да се пријави повеќе пати, за валидна ќе се смета последната пријава. Секој кандидат при успешна пријава добива потврда дека пријавата е успешно прифатена и идентификационен број кој задолжително треба го испечати или запише. Истиот ќе послужи како доказ дека успешно се пријавил.

Доколку имате проблеми со пополнување на пријавата пишете на ilija.lazarevski@mon.gov.mk. 

Со притискање на копчето  „Пријави се“  започнете со процесот на електронско пријавување за стипендија за студенти од јавните и приватните универзитети и високообразовни установи во Република Македонија за студиската 2008/2009 година.

Студентите, кои правото на студентска стипендија го стекнале во студиската 2007/2008 година и ги исполнуваат условите согласно потпишаниот договор со Министерството за образование и наука, краен рок за продолжување на студентската стипендија е 14.11.2008 година.