Врз основа на член 30 од Законот за ученичкиот и студентскиот стандард (“Службен весник на Република Македонија” бр. 37/98; 40/03) и Решение број 16-4383/1 од 18.06.2009 година, Министерството за образование и наука распишува

КОНКУРС
за прием на студенти во државните студентски домови и други објекти за сместување во Република Македонија за студиската 2009/2010 година 

Во студиската 2009/2010 година во државните студентски домови и други соодветни објекти за сместување во Република Македонија ќе се примаат  редовни студенти од универзитетите во Република Македонија и тоа во:

1. СТУДЕНТСКИ ЦЕНТАР "СКОПЈЕ" - СКОПЈЕ со вкупно 3.077 легла

1.1. Студентски дом "Гоце Делчев" со 1.115 легла;
1.2. Студентски дом "К.Ј. Питу" со 420 легла;
1.3. Студентски дом "Стив Наумов" - машка зграда со 489 легла;
1.4. Студентски дом "Стив Наумов" - женска зграда со 493 легла;
1.5. Студентски дом "Н. Георгиева Дуња" - бараки со 351 легла;

2. ДСД “ПЕЛАГОНИЈА”- СКОПЈЕ со 911 легла;
3. СД “НИКОЛА КАРЕВ” - ОХРИД со 254 легла;
4. ПРИВАТЕН СТУДЕНТСКИ ДОМ “МАКЕДОНИЈА”- ШТИП со 112 легла;
5. ДСД “ОРДЕ ЧОПЕЛА”- ПРИЛЕП со 335 легла;
6. ДСД “Т.СТЕФАНОВСКИ СЕНИЌ”- СКОПЈЕ со 217 легла;
7. СД “КОЧО РАЦИН” - БИТОЛА со 360 легла;
8. ДСД “Браќа Миладиновци”- Штип со 104 легла;
9. ДСД “Доне Божинов”- Пробиштип со 130 легла;

Од вкупниот број расположиви места во студентските домови, комисијата обезбедува до 20 % од вкупните места за студенти кои за прв пат ќе бидат запишани на факултетите и високите школи, како и слободни места за студенти со македонско потекло од земјите на Балканскиот полуостров, студенти согласно Програмата ЦЕЕПУС, ТЕМПУС и други програми.

I. УСЛОВИ ЗА ПРИЕМ

I.1. Право на прием имаат редовни студенти кои се школуваат надвор од местото на живеење и тоа:

1. Редовни студенти на факултети кои имаат помалку од осум семестри и не повторувале студиска година;
2. Редовни студенти на факултети кои имаат осум семестри и не повторувале повеќе од една студиска година;
3. Редовни студенти на факултети кои имаат над осум семестри и не повторувале повеќе од две студиски години;
4. Да се државјани на Република Македонија.

I.2. Студентите на кои им е изречена дисциплинска мерка исклучување (отстранување) од домот или имаат неподмирени долгови кон домот, немаат право на прием.

I.3. Студентите кај кои Комисијата за прием ќе констатира злоупотреба на добиеното легло, истото ќе им биде одземено и доделено на студент од листата на чекање за соодветниот дом.

II. НАЧИН И РОК ЗА ПРИЈАВУВАЊЕ

Студентите кои се пријавуваат на Конкурсот треба да пополнат електронска пријава поставена на интернет порталот www.raspredelba.gov.mk.

За студентите кои се пријавиле повеќе пати, за валидна ќе се смета последната пријава.

Рок за пријавување на студентите од II година и повисоките студиски години почнува од 10.07.2009 година до 10.08.2009 година.

Рок за пријавување на студентите од I година почнува од 21.08.2009 година до 29.08.2009 година.

III. ПОТРЕБНИ ДОКУМЕНТИ

Студентите, кои ги исполнуваат условите по конкурсот и се избрани на прелиминарната ранг-листа, потребно е да ги достават следните документи:

1. Потврда за успех и редовност во студирањето на студентот, како и индекс на увид;
2. Потврда за семејно-материјална положба на студентот, односно неговото семејство;
3. Потврда за редовност во учењето на учениците и студентите, членови на семејството;
4. Потврда за висината на последната исплатена нето месечна плата за секој член во семејството, за пензионери чек од последната пензија, а за невработените потврда од соодветен орган, а за починат родител да се достави копија од извод на умрените и чек од семејна пензија;
5. Студентите – брачни другари, доставуваат копија од извод од матичната книга на венчани;
6. Изјава од родителот – старателот за целосно подмирување на трошоците за сместување и исхрана;
7. Новозапишаните студенти од 1 година, наместо потврда за успех и редовност (точка 1), да достават копии од свидителства за завршена I, II, III и IV средно образование;
8. Препис од уверението за државјанство на Република Македонија.

Горенаведените  документи се доставуваат до Министерство за образование и наука, од 17.08.2009 година до 21.08.2009 година, а студентите од I година документите ги доставуваат од 01.09.2009 година до 04.09.2009 година.

IV. НАЧИН И ПОСТАПКА ЗА ПРИЕМ НА СТУДЕНТИ

IV.1. Начинот и постапката за прием на студентите во студентските домови и други сместувачки капацитети, како и условите за сместување и исхрана се регулираат согласно Законот за ученичкиот и студентскиот стандард (превземете го законот) и Правилникот за начинот и постапката за прием на студентите во државните студентски домови.

Во согласност со правилникот за прием на студентите, успехот од средното образование, успехот во студирањето, редовноста во студирањето и семејно-материјалната положба на студентите се основните елементи за рангирање и прием на студентите во студентските домови.

IV.2. Прелиминарните резултати од конкурсот за студентите од II година и повисоките студиски години ќе бидат објавени на 13.08.2009 година на огласните табли во студентските домови каде конкурирал студентот и на интернет порталот www.raspredelba.gov.mk.

Приговор по резултатите се доставува до Mинистерството во рок од 5 дена од денот на објавувањето на резултатите.

Конечната ранг-листа ќе биде објавена на 27.08.2009 година на огласните табли во студентските домови каде што конкурирал студентот и на интернет порталот www.raspredelba.gov.mk.

Непополнетите места ќе се пополнуваат со студенти од листата на чекање, кои ги исполнуваат условите.

IV.3. Прелиминарните резултати од конкурсот за прием на студенти од I година ќе бидат објавени на 31.08.2009 година на огласните табли во студентските домови каде што конкурирал студентот и на интернет порталот www.raspredelba.gov.mk.

Приговор по резултатите се доставува во рок од 5 дена од денот на објавувањето на резултатите до архивата наминистерството.

Конечната ранг-листа ќе биде објавена на 11.09.2009 година на огласните табли во студентските домови, за кадешто конкурирал студентот и на интернет порталот www.raspredelba.gov.mk.