Врз основа на член 30 од Законот за ученичкиот и студентскиот стандард („Службен весник на Република Македонија“ бр. 37/98 и 40/03) и Решение бр. 16-4382/1 од 18.06.2009 година, Министерството за образование и наука распишува

Дополнување на Конкурс
за прием на студенти во државните студентски домови и други објекти за сместување во Република Македонија за студиската 2009/2010 година 

1. Во Конкурсот на Министерството за образование и наука за прием на студенти во државните студентски домови и други објекти за сместување во Република Македонија за студиската 2009/2010 година бр.16-4383/1 од 18.06.2009 година, објавен на веб страната на Министерството за образование и наука и во дневните весници „Вечер“ и „Лајм“, во дел V. РОКОВИ ЗА СМЕСТУВАЊЕ по ставот 2 се додава нов став кој гласи:

„Во студентскиот дом „Пелагонија“ – Скопје, за студентите од повисокоите студиски години како и за студентите од I година (бруцоши), вселувањето ќе се врши во периодот од 15.09.2009 година до 18.09.2009 година.“.